Ոստիկանությունը փնտրում է դեղատան աշխատակցին ծանր վնասվածք հասցրած անձին

Կտրող-ծակող գործիքով հարվածել է դեղատան աշխատակցի կրծքավանդակին
hancagorcutyun

ՀՀ ոստիկանությունը տեղեկացնում է, որ փետրվարի 16-ին, ժամը 23.20-ի սահմաններում, անհայտ անձը Երևանի Բագրատունյաց փողոցի 18-րդ շենքի 1-ին հարկում գործող դեղատանը սուր կտրող-ծակող գործիքով հարվածել է դեղատան աշխատակցի կրծքավանդակին և պատճառել կյանքին վտանգ սպառնացող ծանր վնասվածքներ։

Դեպքի առթիվ ՀՀ քրեական օրենսգրքի 112-րդ հոդվածի հատկանիշներով հարուցվել է քրեական գործ և կատարվում է նախաքննություն։

Ովքեր որևէ տեղեկություն ունեն տեսաձայնագրությունում պատկերված անձի վերաբերյալ՝ խնդրում ենք հայտնել ոստիկանության Շենգավիթի կամ մոտակա բաժին կամ զանգահարել 010-44-02-02, 1-02 հեռախոսահամարներով:

Տեղեկատու անձի գաղտնիությունը երաշխավորվում է:

*

*